Фокус група за проценка на потребите на Ромите во пристапот до примарната здравствена заштита во општината Шуто Оризари

На 30 јуни 2022 година Здружение ЕСЕ спроведе фокус група за проценка на потребите на Ромите во пристапот до примарната здравствена заштита. Истражувањето се спроведува со цел да се утврдат бариерите со кои се соочуваат Роми во пристапот до здравствена заштита, како и потребите за унапредување на пристапот и опфатот на Ромите со примарна здравствена заштита. На фокус групата присуствуваа 13 престатвници од ромската заедница во Шуто Оризари, а на истата се дискутираше по однос на пристапот до услугите од матичните лекари, стоматолози и гинеколози, пристапот до вакцинација за децата, пристапот до услугите од Итната медицинска помош, како и пристапот до лекови. Фокус групата беше спроведена во соработка со партнерската ромска организација Романо Чачипе, која работи на територијата на Шуто Оризари.

Во наредниот период Здружение ЕСЕ ќе продолжи со спроведување на истражувањето.

Активноста е ко-финансирана од Европската Унија.

View the embedded image gallery online at:
http://www.esem.org.mk/index.php/shto-rabotime-sega/4247-fokus-grupa-za-procenka-na-potrebite-na-romite-vo-pristapot-do-primarnata-zdravstvena-zastita-vo-opstinata-suto-orizari.html?tmpl=component&print=1&layout=default&page=#sigFreeId508bcbb505