Здружение ЕСЕ

ЕСЕ

   Здружение за еманципација, солидарност и еднаквост на жените.

 

 

Промовирање на правото на пристап до информации од јавен карактер со жители на општината Шуто Оризари

Во рамки на процесот за Отворено Владино Партнерство, заедно со Комисијата за заштита на правото на пристап до информации од јавен карактер денес (27.03.2019),  ја одржавме првата средба за промовирање на правото на пристап до информации од јавен карактер со жители на општината Шуто Оризари.

Средбата ја спроведуваме во соработка со ИРИЗ, а истата е во рамки на заложбата за унапредување на правото за пристап до информации од јавен карактер.

Повеќе...

Не Ви го честитаме 8 Март бидејќи…

Не Ви го честитаме 8 Март бидејќи живеете во земја каде:

  1. Во повеќе од 34 општини нема ниту еден гинеколог;

  2. Затоа што половина милион жени на возраст над 12 години имаат ограничен пристап до примарна гинеколошка здравствена заштита;

  3. Затоа што Министерството за здравство не ја покрива партиципацијата за сите породувања во јавните здравствени установи во земјата;

  4. Затоа што за пет години умреле 203 жени од кацрином на грло на матка, а Министерството за здравство и во 2019 година го намали буџетот за 2.8 милиони денари;

  5. Затоа што жените, сексуалните и родовите малцинства се дискриминирани во сите сфери на живеење и нивните права не се почитуваат;

  6. Затоа што правото на здравствена заштита на „помалиот“ етнички колектив во земјава разочарува;

  7. Затоа што во период од 5 години се убиени 70 жени во земјава, од кои што 51 се жртви на фемицид;

  8. Затоа што државата не превзема конкретни мерки за поддршка на жените жртви на семејно насилство откако ќе излезат од кругот на насилството;

  9. Затоа што институциите не се транспарентни;

  10. Затоа што е висока стапката на невработеност;

  11. Затоа што жените не се заштитетни од сексуално вознемирување при работа;

  12. Затоа што голем број судски постапки за семејно насилство немаат разрешница;

  13. Затоа што нè сите деца се вклучени во образовниот систем;

  14. Затоа што треба, а не сте рамноправни.

Затоа, време е сите да започнеме со секојдневната борба за правда!

Тимот на ЕСЕ

Повеќе...

Соопштение за Медиуми - Дали е среќен 8-ми Март?“

Соопштение за Медиуми

„Дали е среќен 8-ми Март?“ - трет марш по повод Меѓународниот ден на жената

,,Денес маршираме за да покажеме дека трпението ни е на црвено! Денес маршираме за да покажеме дека веќе нема да толерираме празна реторика! Не прифаќаме декларативно залагање за родова еднаквост, ниту закони и стратегии за кои не се издвојуваат финансиски средства и кои не водат кон остварување на реални промени во животите на жените.’’ Вака започнува Прогласот од третиот марш за права на жените и борбата за родова еднаквост, кој се одржа под слоганот „Дали е среќен 8-ми Март?“.

Во присуство на стотици учеснички, Маршот за правата на жените започна од паркот Жена Борец, каде неколку активистки јавно апелираа за промени кои водат кон вистинско унапредување на статусот на жената во нашето општество.

,,Континуираната социјална, економска и политичка нееднаквост на жените во Македонија е причината поради која денес сме собрани да го  изразиме нашиот револт, загриженост и разочарување.  Жените и понатаму се неактивни на пазарот на труд, иако се повеќе образовани од мажите. Насилството врз девојките и жените е жална реалност во нашето општество. Стереотипите, омразата и мизогинијата е присутна не само во приватната сфера, туку и во јавниот дискурс.’’- изјави Снешка Илиќ од Реактор- Истражување во акција.

Повеќе...

Граѓанските организации бараат итно донесување на Предлог-законот за спречување и заштита од дискриминација

Предлог-законот за спречување и заштита од дискриминација веќе 8 месеци е заглавен во Собранието: Неговото донесување арбитрарно се одолговлекува што ги лишува граѓаните од ефективни и ефикасни механизми кои ќе ги заштитуваат од дискриминацијата со која секојдневно се соочуваат во различни области.

Со цел пресретнување на роковите за следниот извештај на Европската Комисија, избегнување на понатамошно одолговлекување и понатамошни повреди на човековите права на граѓаните, седум мрежи на граѓански организации и 100 здруженија и фондации одржаa конференција за медиуми пред Собранието на Република Северна Македонија каде изнесоа барања за итно донесување на Нацрт-законот за спречување и заштита од дискриминација, кој од јули 2018 година е влезен во собраниска процедура. Односно Собранието веднаш да свика седница на матичното тело за Законот, Комисијата за труд и социјална политика, и да ја заврши законодавната постапка пред претседателските избори.

Повеќе...

Проект: „Унапредување на локални политики за обезбедување на пристап до правда“

Здружението ЕСЕ беше дел од информативната средба за граѓански организации вклучени во проектот  на Асоцијацијата Сонце од Тетово ,,Унапредување на локални политики за обезбедување на пристап до правда“, кој е финансиски поддржан од Фондација Отворено Општество Македонија - ФООМ.

На средбата, претставникот на ФООМ ги информираше учесниците за поддршката која ФООМ ја обезбедува генерално во рамките на мрежната стратегија за правно зајакнување, како и поддршката за оваа иницијатива.

Претставниците на Асоцијацијата Сонце дадоа осврт на претходно постигнатите резултати на ова поле, при што нагласија дека  овој проект ќе  овозможи понатамошно јакнење на капацитетите на  веќе воспоставените структури, како што се медијаторите и локалните акциски групи во заедниците во кои работат.

Повеќе...

 

Фискална Транспарентност

Социјална отчетност за родова еднаквост

Човекови права во здравствена заштита

Семејно насилство 

Центар за правна помош

Здравствен информативен центар