Association ESE

ESE

   Association for Emancipation, Solidarity and Equality of Women.

 

Јавна дебата на тема: „Kако макроекономските политики влијаат врз пристапот до здравствена заштита за жените, мајките и децата“

На 21 јули 2020 година Здружение ЕСЕ одржа онлајн јавна дебата на тема: „Kако макроекономските политики влијаат врз пристапот до здравствена заштита за жените, мајките и децата“.

На јавната дебата воведно обраќање имаа претставничка од Фондацијата Отворено општество Македонија и претставничка од Делегацијата на Европската Унија во Р. Северна Македонија.

На јавната дебатаговореа претставници на Здружение ЕСЕ, кои ги изнесоа наодите од работата на ЕСЕ по однос на планирањето и спроведувањето на буџетот за здравствена заштита, како и планирањето и спроведувањето на превентивните Програми на Министерството за здравство (Програмата за скрининг на ракот на грлото на матката, Програмата за активна здравствена заштита на мајките и децата и Програмата за систематски прегледи на учениците и студентите). Посебен осврт беше даден на тоа како недостатоците во планирањето и спроведувањето на здравствените буџети и на програмите негативно се одразуваат врз пристапот на населението до превентивна здравствена заштита, со посебен осврт на женското репродуктивно здравје и здравјето на мајките и децата. Наодите изнесени од страна на ЕСЕ се базираат на наодите од работата на ЕСЕ во делот на мониторинг и анализа на програмите и буџетите на Министерството за здравство и од работата на полето на анализа на влијанијата на макроекономските политики врз здравствените буџети и врз пристапот до правото на здравје.

 На јавната дебата обраќање имаа и здравствени работници, и тоа докторка од одделот за имунизација и систематски прегледи во Поликлиниката во Шуто Оризари, која говореше по однос на спроведувањето на систематските прегледи за деца надвор од образовниот систем, како и за проблемите во пристапот до овие здравствени услуги за време на пандемијата со Ковид-19. Обраќање имаше и докторка матичен гинеколог од Поликлиниката во Бит Пазар, која говореше за спроведувањето на Програмата за скрининг на рак на грлото на матката, како и за детектираните проблеми од праксата при спроведувањето на оваа Програма.

На јавната дебата учествуваа повеќе претставници од граѓански организации кои дадоа свој придонес во дискусијата и во барањата за унапредување на состојбите

Подетални информации можете да најдете во Информацијата за јавност.

Активноста е кофинансирана од ФООМ и Европската Унија

Содржината на овој документ е целосна одговорност на Здружение ЕСЕ и во ниту еден случај не ги одразува ставовите на ФООМ и на Европската Унија

 

 

Fiscal Transparency

Social accountability for gender equality

Health Rights

Domestic Violence 

Legal Aid Center

Health Information Centre