Психолошко советувалиште за жртви на семејно насилство ::

Македонски|English Центар за правна помош Зравствен информативен центар Психолошко советувалиште за жртви на семејно насилство Абортус - Нема аргумент против

Што претставува советувалиштето?

Советувалиштето преставува прв специјализиран вид на советувалиште кое  нуди  директна психосоцијална поддршка и третман за сите жртви на семејно насилство кои се подготвени да го прекинат кругот на насилство и да го променат дотогашниот начин на живеење.

Тоа е специјализирана форма на помош од страна на професионалци кои ја водат жртвата низ процесот зајакнувајќи ја нејзината независност во донесувањето на вистински одлуки. Советувалиштето нуди повеќе видови на помош и тоа во домените на превенција, советување и кризна или пост-трауматска интервенција.

Каков вид на психолошката помош и совети се нудат:

- примарна психолошка помош
- итна интервенција за заштита од насилството
- психолошка помош и поддршка во услови на долготрајна изложеност на насилство               и
- кризна интервенција.

Кој може да се обрати во советувалиштето?
Корисници на психолошкото советувалиште се жените -жртви на семејно насилство, но исто така и децата како секундарни жртви на насилство.

Процесот на помош и поддршка се остварува преку одржување редовни средби на индивидуално ниво или група и по нивно претходно закажување.

Начин на работа на советувалиштето
Советувалиштето работи секој работен ден ( понеделник - петок) во траење  од по три часа.
Социјалниот  работник го врши првичниот прием и закажувањето .
По првичниот прием и закажување на средбите, жртвите на семејно насилство  можат да реализираат средба со советувачот терапевт.

Доколку си жртва на семејно насилство

БАРАЈ ЗАШТИТА!

Психолошко советувалиште за семејно насилство - ЕСЕ: 02 529 -7166