ПРОГРАМИ :: Женски човекови права

Македонски|English Центар за правна помош Зравствен информативен центар Психолошко советувалиште за жртви на семејно насилство Абортус - Нема аргумент против

Цели на програмата :

Како ја постигнуваме целта на програмата?

- Го обезбедуваме правото на достапен и ефикасен пристап до правдата, посебно за оние кои се наоѓаат во исклучително тешка положба- жртвите на семејно насилство, преку нудење на концептот на бесплатна правна помош
- Организираме средби на кои ги идетификуваме недостатоците во имплементација на Законите кои го третираат семејното насилство
- Ги преточуваме позитивните практити во пишани процедури за постапување на професионалците во случаи на семејно насилство.
- Подготвуваме нацрт стандарди  за квалитетно и ефикасно обезбедување на секоја од достапните услуги, вклучувајќи сместување на жртвата, психосоцијална поддршка, правна помош и др. со граѓанските организации кои работат на ова поле
- Градиме  соодветни законски и подзаконски решенија, кои ке овозможат унапредување на досегашното законодавство на полето на семејно насилство.

Кои се нашите активности во рамките на Програмата за работа 2010?


1. Центар за правна помош и Психолошко советувалиште за жени-жртви на семејно насилство

Во 2002 година, здружението ЕСЕ го иницираше концептот на бесплатна правна помош наменет за жртви на семејно насилство, кој се наметна како потребен и итен согласно објективната непожелна социо-економска положба  во Р.М.Основна цел на спроведувањето на овој концепт, покрај давањето бесплатни правни совети и судско застапување за жените -жртви, е и подобрувањето на степенот на нивната правна  писменост , како и иницирање на процесот на нивно активно учество во заштита на  нивните права. Во 2003 година, доменот на работа на ЦПП се прошири со отворање на две локални канцеларии во Тетово и Штип во рамки на две локални невладини организации. Во 2004 година  се прошири доменот на работење на центарот со превземање на кривични предмети кои се гонат по приватна тужба, што претставува дополнителна можност за заштита на жртвите на семејно насилство.
Во 2008 година, Здружението го воспостави првото специјализирано Психолошко советувалиште за жените –жртви на семејно насилство. Имено и покрај потребата и законската предвиденост на обезбедувањето на психосоцијална помош и поддршка за жртви на семејно насилство како мерка за заштита, до 2008 година истата не беше возможно да се обезеди поради непостоење на соодветно советувалиште. Од овие причини изготвивме Програма за работа со жртвите, низа инструменти за проценка при обезбедување на помошта и поддршката и Прирачник за работа наменет за професионалците и институциите, односно организациите кои ќе работат на обезбедување на ваков вид специјализрана помош и поддршка. Советувалиштето преставува специјализиран вид на советувалиште кое нуди директна психосоцијална поддршка за сите жртви на семејно насилство кои се подготвени да го прекинат кругот на насилство и да го променат дотогашниот начин на живеење. Советувалиштето нуди повеќе видови на помош и тоа во домените на превенција, советување и кризна или пост- трауматска интервенција.Корисници на психолошкото советувалиште се жените - жртви на семејно насилство, но исто така и децата како секундарни жртви на насилство. Процесот на помош и поддршка се остварува преку одржување редовни средби на индивидуално ниво или група и по нивно претходно закажување.

Активностите се спроведуваат преку:

2. Анализа и развивање на политика за унапредување на системот за заштита од семејно насилство на локално ниво

Планираната програма за работа за периодот 2010 за работа на локално ниво претставува продолжување и проширување на дел од спроведените програмски активности на ЕСЕ, како и искористување на веќе стекнатите искуства и капацитети за работа на полето граѓанско учество, како и  континуирана обука во областите со управување на етнички различности во процесот на обезбедување и користење на јавни услуги преку креирање на етнички непристрасни политики на локално ниво во рамки на програмата на ЕСЕ за „Јавна политика и добро управување“.

Следствено на тоа, во 2010 година ќе работиме на унапредување на капацитетите на релевантните актери и институции на локално ниво, преку мулти-дисциплинарен пристап на обука кој ќе се однесува на стекнување на знаење за обезбедување на јавните услуги преку специфични модули за обука кои ќе опфаќаат споделување на моќта, креирање на родово сензитивни и етнички инклузивни политики и знаење за малцинските права. Активностите се во согласност со потребите на  локалната самоуправа во областа на обезбедување на јавни услуги, кои преку обуките ќе се промовираат и применат во пракса.

Овој процес на јакнење на капацитетите ќе биде следен со процеси на спроведување на анализи и развивање на политики на локално ниво и тоа анализа и развивање на политики за унапредување на репродуктивното здравје и анализа и политика за  унапредување на системот за заштита од семејно насилство на локално ниво.

Активностите за анализа и развивање на политика за унапредување на системот за заштита од семејно насилство на локално ниво се спроведуваат преку:

3. Промовирање на меѓународните стандарди за заштита на Женските човекови права преку следење на нивната имплементација на национално ниво

Еден од моќните контролни механизми за следење на имплементацијата на женските човекови права е подготовката на Извештај во сенка кон Конвенцијата за елиминирање на сите форми на дискриминација врз жената.  Имено, ЕСЕ во 2006 година го подготви и го презентираше првиот Извештај во сенка кон оваа конвенција пред Комитетот а елиминирање на сите форми на дискриминација на ОН. Следствено на процесот на известување Комитетот задолжен за следење на имплементацијата на конвенцијата упати заклучни препораки до нашата држава. Нашата држава во 2011, треба да го поднесе својот комбиниран четврти и петти извештај за спроведување на конвенцијата. Оттука и важноста за подготовка на  втор Извештај во сенка, кој повторно ќе обезбеди релевантни информации напоредно со оние кои ќе бидат обезбедени од страна на државата. Поради ова ЕСЕ во рамките на оваа програмска компонента ќе спроведе фактичка анализа на дискриминаторските практики со кои се соочува жената во Р. Македонија во сите општествени сфери, како и анализа на напредокот на нашата држава соодветно на упатените препораки од страна на Комитетот за елиминирање на сите форми на дискриминација.

Активностите се спроведуваат преку подготовка на фактичка анализа за положбата на жената во Р. Македонија, односно: