| |
Menu
|
Прес конференција за „Пристап до лековите за унапредување на здравјето на жените во Р. Македонија“ - 04.06.2010
мај 2010 година
Здружението за еманципација, солидарност и еднаквост на жените во РМ – ЕСЕ, преку Програмата за јавно здравје и здравје на жените работи на прашањето на Пристап до лековите за унапредување на здравјето на жените во Македонија. Предмет на нашето работење е да се процени каква е достапноста на лековите за специфични здравствени состојби кај жените, со посебен осврт на лековите за превенција и третман на остеопорозата (лековите од групата на бисфосфонатите), како и препаратите со женски полови хормони.
Со цел објавување на досегашните наоди и промовирање на идните активности на ова поле на ден 26.05.2010 година ЕСЕ одржа прес конференција во Германскиот јазичен центар.
[повеќе] |
CIVICA MOBILITAS - Работни средби во општина Тетово и Кочани - 04.06.2010
Работни средби за спроведување на анализа на институционалниот одговор кон семејното насилство и подготовка на Локален акциски план за унапредување на системот за заштита од семејно насилство во општина Тетово и Кочани (април, мај и јуни, 2010)
Првата работна средба на работните групи за спроведување на анализа на институционалниот одговор кон семејното насилство и подготовка на Локален акциски план за унапредување на системот за заштита од семејно насилство во општина Тетово и Кочани во рамки на програмата CIVICA MOBILITAS се одржаа на 26.04.2010 во општина Тетово и на 06.05.2010 во општина Кочани. Во работните групи формирани во секоја од општините членуваат претставници од локалната самоуправа, полициските станици, Центрите за социјална работа, општите болници, како и претставници од граѓански организации од вклучените општини.
[повеќе] |
CIVICA MOBILITAS - Унапредување на репродуктивното здравје и мониторирање на здравствените буџети во општина Тетово - 04.06.2010
08-09 април 2010 година
Во периодот од 08-09 април 2010 година, во х. „Лирак“, Тетово се одржа обуката “Унапредување на Репродуктивното здравје и мониторирање на здравствените буџети на локално ниво” во рамки на програмата CIVICA MOBILITAS за општина Тетово.
На обуката присуствуваа 14 претставници од општината, ЈЗУ Здравствен Дом –Тетово, Центарот за јавно здравје - Тетово, додека од граѓанските организации присуствуваа претставници од “Златна Рака”, “Романо Суно”, “АДРР Сонце” и “Женски форум”.
[повеќе] |
CIVICA MOBILITAS - Прва обука во општина Тетово - 04.06.2010
17–19 март 2010 година
Во општина Тетово, во периодот од 17- 19 март 2010 година, во х.„Лирак“, се одржа обука на тема: „Управување со етничките различности во процесот на јавна политика и распределување на јавните услуги“. Обуката ја водеше Габриела Лосковска, координаторка на програмата за јавна политика и добро владеење од ЕСЕ.
[повеќе] |
CIVICA MOBILITAS - Унапредување на репродуктивното здравје и мониторирање на здравствените буџети во општина Кочани - 03.06.2010
03-04 март 2010 година
Обуката “Унапредување на Репродуктивното здравје и мониторирање на здравствените буџети на локално ниво” во рамките на програмата CIVICA MOBILITAS за општина Кочани се одржа во периодот од 03-04 март 2010 година, во х. „Гратче“, Кочани.
На обуката присуствуваа 16 претставници на локалната самоуправа, ЈЗУ Здравствен Дом – Кочани, Центарот за јавно здравје - Кочани, додека од граѓанските организации присуствуваа претставници од „Светла Иднина“, „Европско Кочани“, „Еднакви за сите“ и „Надеж“.
[повеќе] |
Подготвени и публикувани Водич за психолошка помош и поддршка на жртвите на семејно насилство и Анализа на засолништа - 03.06.2010
февруари 2010 година
Потребата од постоење на специјализирано психолошко советувалиште кое ќе нуди директна психо-социјална поддршка за жртвите на семејно насилство нè обврза да формираме и отвориме вакво советувалиште во април 2009. Процесот на формирање и отворање на советувалиштето подразбираше подготовка на Програма за работа и Водич за психолошка помош и поддршка. Програма и Водичот нудат информации за семејното насилство и предметот, методите и начинот на работење на специјализираното психолошко советувалиште. Тие се наменети за стручните лица кои се занимаваат или имаат намера да се занимаваат со давање на овој вид на помош и поддршка.
[повеќе] |
Успешно имплементирани активности во рамките на тригодишната програма за јавна политика и добро владеење - 25.05.2010
Во рамките на три годишната програма за јавна политика и добро владеење, во под програмската компонента за децентрализација и концептот на „Отворени заедници“ , на територијата на општина Гостивар, и локалните рурални средини, во периодот од 2006-2009 се имплементираа низа на обуки и работилници.
За целите на исполнување на оваа три годишна компонента, се одвиваше етапен процес на комплементарен и систематски пристап на селекција на лица за обучувачи кој се состоеше од:
1. Идентификација на обучувачи од општина Гостивар;
2. Оддржување на обука за обучувачи;
3. Дисеминација на знаењата на обучувачите на локалното население во општина Гостивар, невладините организации
4. Дисеминација на знаењата на обучувачите на населението во руралните подрачја во околината на општина Гостивар, Чајле, Ростуше-Маврово, Вратница, Вруток и Равен.
По извршениот процес на селекција, се избраа соодветни кандидати за обучувачки. Во таа насока, се запази принципот на етничка хетерогеност, и за таа цел и обучувачките беа од различно етничко потекло.Билјана Бибоска и М-р Фарие Алиу, ги оддржаа обуките на територијата на општина Гостивар во периодот од 2006-2009. Повеќе од 60 учесници на обуките беа присутни како дирекни приматели на знаење од областа на системот на локалната самоуправа и процесот на креирање на политики во мешани средини.
М-р Фарие Алиу ги предаваше темите од следниве области:
1. Систем на единиците на локалната самоуправа;
2. Системи на финансирање на единиците на локалната самоуправа;
3. Закон за локални финансии;
4. Децентрализација преку процес на законската регулатива во Р.М
Билјана Бибоска ги предаваше темитеод следниве области:
1. Креирање на политики во мулти-етнички средини;
2. Учество на граѓаните во процесот на донесување на одлуки;
3. Родовата еднаквост во локалната самоуправа;
4. Предизвици за живеење во мулти-етнички средини.
[повеќе] |
Вести и Архива
|
|
|
Menu
|
[
