Извештаи во сенка кон меѓународни документи

Зајакнувањето и практикувањето на човековите права, особено женските човекови права е важно за постигнување на отворено и одговорно општество. Нашите цели за еднаквост и правичност ги постигнуваме преку вршење контрола на имплементацијата на човековите права. Преку механизмите за следење на човековите права, со инструметот на подготовка на извештаи во сенка служиме како коректив на неправилната дисперзија на правата на жената. Препораките подготвени во извештаите претставуваат основа за операционализација на идните активности на полето на унапредување на севкупниот корпус на човекови права, особено женските човекови права. Како резултат на следењето на меѓународните документи и нивната имплементација на национално ниво, подготвивме четири извештаи во сенка кон: Конвенцијата за елиминирање на сите форми на дискриминација врз жената (CEDAW-2005), Меѓународната повелба за економски, социјални и културни права, (ICESCR,2007) Меѓународната повелба за граѓански и политички права (ICCPR,2007) и Конвенцијата против тортута (CAT, 2008).

На овој начин, преку нашите препораки придонесуваме кон промена и подобрување на законодавството,политиките,и воопшто состојбата, а со цел ефективна и еднаква дистрибуција на човековите права и на овој начин еднаквост на шансите и можностите.